Showing posts with label Raffy Tulfo. Show all posts
Showing posts with label Raffy Tulfo. Show all posts

Friday, March 5, 2010

Hayaan Niyo Na Si Manny Pacquiao

LinkGrand.com
By Raffy Tulfo


Kahit pa mambabae si Manny Pacquiao ng sandaang beses ay wala tayong pakialam dahil sariling pera naman niya ang kanyang ginagastos sa kanyang pambababae.

Ang dapat pinapakialaman ay mga babaerong opisyal ng gobyerno na pera mula sa kaban ng bayan ang ipinantutustos sa kanilang bisyo. Tulad na lang nitong isang government official na binubuhusan niya ng gastos ngayon ang girlfriend niya na isa sa mga host ng isang sikat na noontime TV show. Kamakailan, binilhan ni government official ng condo sa isang mamahaling subdivision sa San Juan ang kanyang nasabing GF.

Taken from Pinoy Parazzi



Autistic Daw Ba Si Noynoy Aquino?

LinkGrand.com

By Raffy Tulfo

Sa segment na Juan on 1 ng TV Patrol World sa ABS-CBN noong November 27, kinunan ng reaksiyon ni Ted Failon si Sen. Noynoy Aquino, isa sa mga presidentiable para sa 2010 elections, tungkol sa mga taong nagsasabing autistic daw ang senador.

Bagamat, kung tutuusin, nakapipikon ang nasabing tanong, walang nakitang bakas ng pagkapikon sa mukha ni Noynoy nang sagutin niya ang tanong. Maganda ang kanyang naging sagot at pinatunayan niyang isa siyang normal at intelihenteng tao.

Naniniwala ang SHOOTING RANGE na ang mga katunggali ni Noynoy sa pulitika ang pasimuno sa pagpapakalat sa paninira na siya's isang autistic. Naniniwala rin ang SHOOTING RANGE na may sapat na kakayahan si Noynoy -- physically, mentally at emotionally -- na maging pangulo ng ating bansa.

Pero kundi mamasamain ni Noynoy, isang unsolicited advice ang nais iparating sa kanya ng SHOOTING RANGE. Dapat maging conscious siya palagi sa porma ng kanyang bibig lalo pa kapag siya'y nasa publiko at maraming nakatutok na camera.

Madalas mapitikan si Noynoy ng video sa mga pagtitipun-tipon na nakanganga. Kung minsan pa, malayo ang kanyang tingin at mistulang tulala. Dito marahil nagsimula ang paninira sa kanya ng kanyang mga kalaban sa pulitika na siya'y hindi normal.

Taken from Pinoy Parazzi



John Regala, Nagwala!

LinkGrand.com

By Raffy Tulfo

Isang empleyado sa isang sangay ng Standard Insurance company sa Maynila ang nagsumbong sa SHOOTING RANGE kamakailan.

Ayon sa nasabing empleyado, nagmistulang eksena raw sa isang pelikula ang pagwawala ni John Regala sa kanilang opisina ilang buwan na ang nakakaraan.

Bago sa nasabing insidente, nabundol daw ng isang provincial passenger bus -- na insured ng Standard -- ang SUV ng aktor. Pagkatapos maipa-estimate ni Regala sa isang kakilalang talyer ang halaga ng repair, iprinisinta niya ito sa Standard.

Pumalag ang adjuster nang makita niya ang halaga ng estimate dahil sa sobrang taas nito. Ipinaliwanag ng naturang adjuster sa aktor na ang computation nila ay mababa lang dahil galing Subic ang kanyang SUV.

Sumiklab daw agad sa galit si Regala at pinagbubulyawan niya ang nasabing adjuster at sinabihan pang "Magkano ka ba, 'di mo ba alam kung magkano ang halaga ng pera ko sa bangko? Kaya kong bayaran ang buhay mo!"

'Di raw nakapalag ang adjuster at natameme na lang lalo pa nang makita niya ang dalawang mukhang butangerong bodyguards ni Regala na nakapaligid sa kanya. Humupa na lamang daw ang tensiyon nang makialam ang isang supervisor at inamo-amo si Regala. Sa bandang huli, napagbigyan din daw ang kagustuhan ng kontrabidang aktor.

Taken from Pinoy Parazzi